ᓄᓇᓕᖕᓂ ᐱᕈᖅᐹᓕᕈᑦ ᑮᓇᐅᔭᖃᒃᑎᑦᑎᔾᔪᑎ (NPF) ᐱᔭᐅᑎᑦᑎᖕᒪᑦ ᑮᓇᐅᔭᕆᔭᐅᔪᓐᓇᖅᑐᓂᒃ ᐃᑲᔪᕈᑎᒋᔭᐅᓂᐋᖅᑯᓂᒃ ᓄᓇᓕᖕᒧᑦ ᐃᒡᓗᖃᒃᑎᑦᑎᔪᑎᒋᔭᐅᔪᓄᑦ ᓄᓇᕗᕐᒥ. ᓴᖅᑭᑎᑕᐅᓚᐅᖅᓯᒪᓪᓗᓂ ᐱᓕᕆᖃᑎᒋᒡᓗᑎᒃ ᐃᓚᒋᓪᓗᒋᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ (NHC), ᐅᑯᑎᒎᓇᕐᓗᑎᒃ ᓄᓇᕗᑦ 3000 ᐱᓕᕆᔾᔪᑎᒃᓴᑦᑎᐊᕙᖕᒧᑦ ᐸᕐᓇᒍᑎ, ᐱᓕᕆᐋᖑᖁᓪᓗᒋᑦ ᖃᔅᓯᑲᓪᓚᐃᑦ ᐃᒡᓗᖃᒃᑎᑦᑎᓂᕐᒧᑦ ᓯᕗᓪᓕᐅᑎᔭᕆᐋᓕᑦ ᓄᓇᓕᖃᕐᕕᐅᔪᓕᒫᒧᑦ.
ᑮᓇᐅᔭᖃᒃᑎᑦᑎᔾᔪᑎ ᐃᑲᔪᕋᔭᕐᒪᑦ ᐊᖏᓂᖅᓴᐅᓕᖅᑎᑦᑎᓗᓂ ᐊᑭᑐᓗᐋᖏᑦᑐᓂᒃ ᐃᒡᓗᖃᒃᑎᑦᑎᔾᔪᑎᓂᑦ ᐱᔭᒃᓴᐅᔪᓂᑦ, ᒥᑭᓂᖅᓴᐅᓕᖅᑎᑦᑎᓗᓂ ᐊᖏᕐᕋᖃᖏᓐᓂᕐᒥᑦ, ᐊᒻᒪᓗ ᐱᔭᕐᓂᕐᓂᖅᓴᐅᓕᖅᑎᑦᑎᓗᓂ ᐃᓘᓐᓇᓕᒫᖓᓂᑦ ᐱᓕᕆᔾᔪᑎᒃᓴᓂᑦ ᐊᖏᓂᖅᓴᐅᓕᖅᑎᑕᐅᖁᓪᓗᒍ ᐃᒡᓗᖃᒃᑎᑦᑎᓂᕐᒧᑦ ᐊᓯᔾᔨᖅᑕᖏᓐᓂᖓ.
ᐊᐃᑦᑑᓯᐊᑦ
ᐊᔪᕐᓇᖏᓐᓂᖓ ᓴᓇᔭᒃᓴᐅᓂᖓᑕ
ᑖᓐᓇ ᐃᑲᔪᕈᑎ ᓴᓇᔭᒃᓴᓄᑦ ᓴᓇᓯᒪᓂᓕᐅᖅᓯᒪᔪᖅ ᐋᖅᑭᒃᑕᐅᖁᓪᓗᒋᑦ ᓄᓇᓕᖕᒥ ᐃᒡᓗᓕᕆᔨᒃᑯᑦ ᐃᖃᓇᐃᔭᕐᕕᖁᑎᖏᑦ, ᐱᓕᕆᐋᖃᕋᔭᕐᓗᑎᒃ ᐱᓕᕆᐋᖑᓯᒪᖏᓐᓂᖏᑕ ᐱᓕᕆᐋᖑᔪᓐᓇᕐᓂᖏᓐᓂᑦ, ᓴᙱᓂᖅᓴᐅᓕᖅᑎᑦᑎᓗᓂ ᐱᓕᕆᑦᑎᐋᕈᓐᓇᕐᓂᕐᓂᑦ ᐊᒻᒪᓗ ᐱᓕᕆᑦᑎᐋᕈᓐᓇᕐᓂᖏᓐᓂᑦ, ᐊᒻᒪᓗ ᓴᖅᑭᑎᑦᑎᓗᓂ ᓴᙱᔪᒥᒃ, ᐊᓯᕈᕐᓂᐅᓴᖏᑦᑐᒥᒃ ᑐᙵᕕᖃᕐᓂᕐᒥᑦ ᐱᕈᒃᑲᓐᓂᕈᓐᓇᖁᓪᓗᒍ.
ᐸᕐᓇᖕᓂᖅ ᐊᒻᒪ ᐱᕙᓪᓕᐋᑎᑉᐸᒌᕐᓗᒍ
ᐃᑲᔪᖅᑕᐅᖁᓪᓗᒋᑦ ᐊᑭᖏᑦ ᐱᕙᓪᓕᐋᑎᑉᐸᒌᖅᓯᒪᔪᑦ ᐱᓕᕆᓂᐅᔪᑦ ᑐᕌᖓᔪᑦ ᓴᓇᔭᐅᓂᖏᓐᓄᑦ ᓄᑖᑦ ᐊᑭᑐᓗᐋᖏᑦᑐᑦ ᐃᒡᓗᖁᒃᑎᑦᑎᔾᔪᑎᑦ ᐊᒻᒪᓗ ᐱᓕᕆᐋᕆᒋᐊᕐᓗᒋᑦ ᐊᐳᖅᑕᕈᑎᒋᔭᐅᕙᒃᑐᑦ ᐱᓇᓱᐋᖅᑎᓪᓗᒋᑦ ᐊᑭᑐᔫᑎᓄᑦ ᐊᒻᒪᓗ ᒐᕙᒪᑐᖃᒃᑯᑎᒍ ᑮᓇᐅᔭᖃᒃᑎᑦᑎᔾᔪᑏᑦ.
ᖃᐅᔨᓇᓱᐋᕐᓂᖅ ᐊᒻᒪ ᐱᓕᕆᔾᔪᓯᐅᓕᖅᑐᖅ
ᐃᑲᔪᖅᑕᐅᖁᓪᓗᒍ ᐱᓕᕆᐊᒃᓴᖅ ᐱᔭᐅᓂᖅᓴᐅᑎᑦᑎᓂᐋᕐᓗᒍ ᐱᓕᕆᔾᔪᓯᐅᓕᖅᑐᖅ, ᐃᓕᓐᓂᐊᖅᓯᒪᓂᖅ, ᐊᒻᒪᓗ ᖃᐅᔨᒪᓂᖅ ᐱᔭᐅᖔᖅᑎᑕᐅᓗᓂ ᓄᓇᓕᖕᒥ ᐃᒡᓗᖃᒃᑎᑦᑎᓂᕐᒧᑦ ᐃᒻᒥᒃᑰᖓᓂᖅ.
ᐱᔪᓐᓇᖅᑎᑕᐅᕐᒧᑦ ᐋᖅᑭᒃᓱᐃᔾᔪᑎ
ᑖᓐᓇ ᑮᓇᐅᔭᖃᒃᑎᑦᑎᔾᔪᑎ ᐱᔭᒃᓴᐅᑎᑕᐅᖕᒪᑦ ᐃᖃᓇᐃᔭᕕᖁᑎᓂᑦ ᐃᖃᓇᐃᔭᖅᑐᓂᑦ ᓄᓇᓕᖕᒥ ᐃᒡᓗᖃᒃᑎᑦᑎᓂᕐᒧᑦ ᐃᒻᒥᒃᑰᖓᓂᕐᒥᑦ ᓄᓇᕗᕐᒥ:
- ᑮᓇᐅᔭᒐᓱᐋᕈᑎᖃᖏᑦᑐᑦ ᐃᒡᓗᖃᒃᑎᑦᑎᔾᔪᑎᓂᒃ ᐱᔭᐅᑎᑦᑎᔨᖑᔪᑦ
- ᐃᑲᔪᕈᑎᖃᕋᓱᐋᕐᓗᑎᒃ ᐃᒡᓗᖃᒃᑎᑦᑎᔾᔪᑎᓂᑦ ᐱᔭᐅᑎᑦᑎᓱᑦ
- ᑮᓇᐅᔭᒐᓱᐋᖏᑦᑐᑦ ᐃᖃᓇᐃᔭᕐᕕᖁᑏᑦ
- ᓄᓇᓕᒃ/ᐊᕕᒃᑐᖅᓯᒪᔪᑦ ᑲᑎᑕᐅᓯᒪᔪᑦ ᐊᒻᒪᓗ ᑲᑐᔾᔨᖃᑎᒌᑲᐃᓐᓇᖅᑐᑦ
- ᕼᐋᒻᒪᓚᒃᑯᑦ
ᐃᓅᖃᑎᒌᓕᕆᓃᑦ ᐱᓕᕆᖃᑎᒌᒡᓗᑎᒃ ᑮᓇᐅᔭᒐᓱᐋᖏᑦᑐᑦ ᐃᖃᓇᐃᔭᕐᕕᖁᑎᑦ ᑐᒃᓯᕈᐅᑎᓕᐅᕈᓐᓇᕐᒥᔪᑦ ᖃᐅᔨᓇᓱᐋᕐᓂᕐᒧᑦ ᐊᒻᒪᓗ ᐱᓕᕆᔾᔪᓯᐅᓕᖅᑐᒥᒃ ᐱᕕᒃᓴᐅᑎᑕᐅᔪᓂᑦ (ᑮᓇᐅᔭᒐᓱᐋᖏᑦᑐᑦ ᑐᒃᓯᕋᕆᐋᓕᑦ).
ᖃᓄᖅ ᐱᓇᔪᒃᑐᖃᕈᓐᓇᖅᐸ
ᐱᓇᔫᑎᓕᕆᓂᖅ ᒪᒃᐱᖅᓵᓕᓛᓕᖅᑐᖅ.
ᑐᑭᓯᒋᐊᒃᑲᓐᓂᕈᒪᒍᕕᑦ ᐱᕙᓪᓕᐊᓂᐅᑉ ᒥᒃᓵᓄᑦ, ᒥᓇᕆᓗᒍ ᐱᓇᔫᑎᒧᑦ ᒪᓕᒐᒃᓴᖅ ᐅᕙᓂ.
ᐃᑭᐊᖅᑭᕕᒃᑯᑦ ᐱᓕᕆᑎᑦᑎᔪᖃᕐᓂᐊᖅᐳᖅ ᖃᐅᔨᑎᑦᑎᓗᑎᒃ ᑮᓇᐅᔭᖁᑎᒋᔭᐅᔪᓂᒃ ᖃᓄᕐᓗ ᐱᓇᔪᒍᓐᓇᕐᒪᖔᕐᒥᓂᒃ. ᐃᓗᓕᒃᑲᓐᓂᖏᑦ ᐅᖃᐅᓯᐅᓂᐊᖅᑐᑦ ᐅᕙᓂ ᐊᒻᒪᓗ ᐅᕘᓇ ᑮᓇᐅᔭᐃᑦ ᐱᕙᓪᓕᐊᔪᖏᑎᒍᑦ.
ᐱᓇᔫᑕᐅᔪᑦ ᑲᔪᓯᕙᓪᓕᐊᓂᖏᑦ
ᑐᑭᓯᒋᐊᒃᑲᓐᓂᕈᒪᒍᕕᑦ ᐱᕙᓪᓕᐊᓂᐅᑉ ᒥᒃᓵᓄᑦ, ᒥᓇᕆᓗᒍ ᐱᓇᔫᑎᒧᑦ ᒪᓕᒐᒃᓴᖅ ᐅᕙᓂ.
